Чулуут сумын ИТХ-ын 9 дэх удаагийн бүрэн эрхийн “Анхдугаар хуралдаан” 2024 оны 10-р сарын 24-ны өдөр 100 хувийн ирцтэйгээр хуралдлаа.
Хуралдаанд сумын сонгуулийн хорооны дарга П.Жаргалсайхан 2024 оны сумын иргэдийн Төлөөлөгчдийн Хурлын сонгуулийн зохион байгуулалт, дүн мэдээг танилцууллаа.
- Сумын ИТХ-ын 9 дэх удаагийн сонгуулиар МАН-18, АН-3 төлөөлөгч сонгогдсон байна. Анхдугаар хуралдааныг Зуунмод багаас сонгогдсон ахмад төлөөлөгч Данзансамбуугийн Самбууням нээж удирдлаа.
Сумын ИТХ-ын Төлөөлөгчдийн бүрэлдэхүүн:
- Шинээр сонгогдсон Төлөөлөгч -16
- 2 удаа сонгогдсон Төлөөлөгч - 3
- 3 удаа сонгогдсон Төлөөлөгч - 1,
- 4 удаа сонгогдсон Төлөөлөгч -1
Хүйс: Эрэгтэй 15, эмэгтэй 6
Насны ангилал: 1970-1979 оны 5,
1980-1989 оны 8, 1990-1999 оны 8 төлөөлөгч
Боловсрол: дээд-14, бүрэн дунд-4, бүрэн бус дунд 3 төлөөлөгч сонгогдсон байна.
Хуралдаанаар хэлэлцсэн асуудал:
1. ИТХ-ын Төлөөлөгчдийн бүрэн эрхийг хүлээн зөвшөөрөх тухай
2. ИТХ-ын дарга сонгох тухай
3. ИТХ-ын зөвлөл байгуулах тухай
4. ИТХ-ын хороодын бүрэлдэхүүнийг батлах тухай
5. Сумын Засаг даргад нэр дэвшүүлэх тухай
- Сумын ИТХ-ын даргаар Дансранпүрэвийн Батдоржийг хуралдаанд оролцсон төлөөлөгчдийн 100 хувийн саналаар дэмжин баталлаа.
- Сумын Засаг даргаар Дамдинпүрэвийн Лхагвасүрэнг хуралдаанд оролцсон төлөөлөгчдийн 100 хувийн саналаар дэмжин Аймгийн засаг даргад уламжлахаар шийдвэрлэлээ